“Waxaa jira dad badan oo u maleynaya in qofka shahaado sare haysta uu yahay mid caqli badan; si kastaba ha ahaatee, xaqiiqada jirta waa in shahaadadu aysan si toos ah ugu xiriirin caqliga nololeed (common sense).
Inkasta oo waxbarashadu ay baraysaa xeerarka iyo habka cilmiyeed ee ay bulshada aqbasho, garaadka nololeed (common sense) waa awoodda qofku u leeyahay inuu si wacan u fahmo xaqiiqada nolosha iyo sida looga adkaado caqabadaha wax kasta oo ay yihiin.”
Waxbarashada iyo Garaadka Nololeed (Common Sense) – Maxaa Ka Dhexeeya?
•”Waxbarashadu waxay ku baraysaa aqoonta cilmiyeed, sida xeerarka iyo nidaamyada caalamiga ah ee la aqoonsan yahay,
halka garaadka nololeed uu yahay awoodda qofka ee fahamka xaaladaha nolosha iyo maareynta dhibaatooyinka maalinlaha ah. Si kastaba ha ahaatee, labadaas awood waxay ka qayb qaataan koritaanka iyo horumarka qofka.”
• “Qofka haysta shahaado sare wuxuu yaqaanaa sida ay u shaqeeyaan qawaaniinta iyo nidaamyada. Si kastaba ha ahaatee, mararka qaar wuxuu noqon karaa qof aan fahmin sida loola tacaalo dhaqaalaha, xiriirka bulshada, ama go’aanno muhiim ah oo nolosha ah.”
• Qof aan shahaado sare haysta, balse leh caqli nololeed (common sense), wuxuu ogyahay sida loo abuuro fursado cusub, isagoo aan laga yaabin inuu si qoto dheer u fahmo xeerarka dhaqaale ama siyaasadeed.
Tusaalayaal Nololeed oo Cad:
Waxaa jira dad shahaado sare haysta, balse noloshooda aan fahmin. Waxay sugaan fursad iyaga oo aan isku dayin inay abuuraan fursado cusub.
(Tusaale) Maxamed, oo shahaado ku saabsan maamulka haysta, laakiin ku guuldaraystay inuu shaqo helo Maxamed wuxuu haystaa shahaado maamulka ah, laakiin waxaa ku adag inuu shaqo helo.
Waxa uu sugayaa shaqooyin waaweyn oo ka yimaada hay’adaha dowlada, isagoo aan isku dayin inuu fursado ka abuuro suuqa shaqada, sida ganacsi ama hawlo cusub 0o uu ku bilaabo.
•Ganacsade Caqli Badan, Balse Aan Shahaado Haysan
Waxaa jira dad aan jaamacad gelin, balse garaadkooda nololeed ayaa u suurageliyay inay dhistaan nolol wanaagsan iyo guul ganacsi.
Tusaale: Faarax ma helin waxbarasho sare, laakiin wuxuu fahmay sida suuqa iyo dadka looga faa’iideysto. Wuxuu bilaabay ganacsi yar oo haddana noqday mid caan ah, isagoo og waxa bulshada u baahan tahay iyo sida l0o qanciyo macaamiisha.
Tusaale: Steve Jobs
Steve Jobs wuxuu ahaa aasaasaha shirkadda Apple wuxuuna noqday mid ka mid ah dadka ugu saameynta badan adduunka,
inkastoo uusan lahayn shahaado jaamacadeed. Garaadkiisa nololeed ayaa ka caawiyay inuu abuuro hal-abuur iyo farsamo casri ah.
Aqoon Yahan Guuldaraystay vs. Caaqil Aan Wax Badan Baran
Waxaa jira dad shahaado haysta, balse ku guuldaraystay noloshooda,
halka kuwo caqli badan, laakiin aan aqoon badan lahayn ay guul ka gaareen nolosha.
“Tusaale ahaan, Cali wuxuu haystaa shahaado sare oo ku saabsan injineemimada, laakiin wuxuu ku dhibtoonayaa inuu shaqo helo. Si kastaba ha ahaatee, Axmed, oo aan wax shahaado ah lahayn, ayaa ku guuleystay inuu abuuro shirkad yar oo guulaysatay,
maadaama uu fahmay sida loo isticmaalo aqoonta nololeed iyo xirirka dadka.”
Xalka iyo Cashirrada Nololeed
Marka aad fahanto sida dadka u fikirayaan iyo waxa ay jecel yihiin, waxaad si fiican ula qabsan kartaa bulshada iyo shaqooyinka nolosha. Garaadka bulshada wuxuu kaa caawinayaa inaad abuurto xiriirro waara oo kuu horseeda guul.
Go’aan qaadashada waxay muhiim u tahay nolosha. Qofka caqli badan wuxuu leeyahay awood uu ku qaato go’aanno sax ah marka uu la kulmo caqabado. isagoo aan ka labalabeyn xaaladaha adag. Go’aannada saxda ah waxay kuu horseedi karaan natijooyin wanaagsan.
Caqli nololeed wuxuu kuu oggolaanayaa inaad ka faa’ideysato fursadaha kugu xeeran. Xitaa haddii aad leedahay shahaado, haddii aadan fahmin sida loo abuuro fursado cusub,
waxaad u dhici kartaa inaad ku seegto fursado muhiim ah.
Guldaradu waxay noqon kartaa cashar muhiim ah oo lagu baranayo nolosha. Si kastaba ha ahaatee,
Qofka caqli badan wuxuu awood u leeyahay inuu ka faa’ideysto khaladaadka si uu u horumariyo, halka qofka shahaado haysta uu mararka qaar ku adkaato inuu ka baxo go’aan.”
